З пачаткам новага месяца палітычныя падзеі ў Беларусі не сканчаюцца. Сёння Марыя Калеснікава пракаментавала адмову заводзіць крымінальную справу па фактах выкрадання і пагроз. Пракуратура адмовіла журналісту Ігару Іліяш ва ўзбуджэнні крымінальнай справы па факце апублікавання яго асабістай перапіскі ў эфіры СТВ, а петыцыю супраць прызнання бел-чырвона-белага сцяга экстрэмісцкім падпісалі больш за 80 тысяч чалавек. Пра ўсё гэта расказваем ў нашай хроніцы.
Марыя Калеснікава выказалася аб адмове распачаць крымінальную справу па фактах выкрадання і пагроз
Яшчэ 10 верасня Марыя падавала заяву аб узбуджэньні крымінальнай справы, называючы імёны і пасады людзей, якія, па яе словах, «арганізавалі яе выкраданне, пагражалі ёй і сілком спрабавалі вывезці з Беларусі». Пра гэта паведамляе прэс-служба Віктара Бабарыкі.
Следчы камітэт не разглядаў заяву Марыі, а аддаў яго ў Міністэрства ўнутраных спраў. МУС адмовіла ва ўзбуджэнні крымінальнай справы.
Марыя Калеснікава адзначыла, што яна будзе і далей звяртацца ў Генеральную пракуратуру і суд.
Журналіст і муж Кацярыны Андреевой звярнуўся ў пракуратуру па прычыне абнародавання асабістай перапіскі на канале СТВ
Па тэлеканале СТВ у праграме Рыгора Азаронка паказалі асабістую перапіску журналіста Ігара Іліяша.
Ён звярнуўся ў пракуратуру і атрымаў адтуль адказ: «Устаноўлена, што Ваша заява аб здзяйсненні Азаронкам Г. і іншымі асобамі злачынстваў заснавана на здагадках, у ім няма прызнакаў здзяйснення Азаронкам Г. альбо іншай асобай якога-небудзь злачынства».
Справа з гэтай нагоды распачынаць адмаўляліся.
Пэтыцыю супраць прызнання БЧБ-сцяга экстрэмісцкім падпісалі 80 тысяч чалавек
Нагадаем, 29 студзеня на сайце Petitions.by з'явілася петыцыя супраць прызнання бел-чырвона-белага сцяга экстрэмісцкім. За 5 дзён яе падпісалі больш за 80 тысяч чалавек.
Беларусы адсвяткавалі дзень нараджэння Кастуся Каліноўскага
Чытачы даслалі нам відэа з нагоды дня нараджэння Кастуся Каліноўскага. На роліку людзі з бел-чырвона-белымі сцягамі крычаць: "Не народ для ўрада, а ўрад для народа!»
Наш канал у Telegram. Далучайцеся!
Ёсць пра што расказаць? Пішыце ў наш Telegram-бот. Гэта ананімна і хутка